Categories

خبرونه

 	ښار(لنډه کیسه) اسدالله نيازى

ښار(لنډه کیسه) اسدالله نيازى

سړي لوى پټکى وهلى و. ږيره يې په نکريزورنګ کړې وه غټ،غټ ګامونه يې اخيستل. وتلې خيټه يې لکه د اوبو مشک، په تګ کې ړپېد ه. له شا يې ښځه پسې روانه وه، خيرن هلك يې ترلاس نيولى و. د ماشوم له ټېكونو مړه خوله راما ته وه، د موټرو…

نور

اعلان ۱

۸

قطر: د افغانو ښځو له ګډون پرته افغانستان کې د دایمي سولې امکان کم دی

تاند، دوشنبه، د ثور ۲۲مه: په ملګرو ملتونو کې د قطر دایمي استازې د افغانستان د سولې په پروسه کې د ښځو پر فعال رول ټینګار کړی دی او خبرداری یې ورکړی چې په دې پروسه کې د ښځو له ګډون پرته دایمي ثبات او جوړجاړي امکانات کم دي.

 ګلف ټایمز وايي، شیخه عالیه احمد بنت سیف الثاني دا څرګندونې د ښځو د نړیوالې پرمختیا سازمان او جورج ټاون پوهنتون تر چتر لاندې د افغانستان د سولې پروسې د پیل په نوم یوه غونډې کې کړې دي.

په قطر کې دغې غونډې ته د دوحې افغان سولې کنفرانس ځینو ګډونوالې مېرمنې او د مدني ټولنو ۱۱ لوړ پوړې ښځینه فعالان ځوانان، سیاسي او مذهبي استازي ورغلي وو.

 نوموړې ویلي، قطر په افغانستان کې یوې ژورې سولې ته د رسېدو په برخه کې مثبت رول ته دوام ورکوي او په افغانستان کې به د ښکیلو لوریو تر منځ د مذاکراتو د تسهیلوونکي چاره جاري وساتي: (( د لانجو حل، منځګړیتوب او سولې ته کار د قطر د بهرنۍ پالېسۍ برخه ده او زموږ د هڅو له برکته د طالبانو او امریکا لخوا د سولې هوکړه هم وشوه))

 اغلې عالیه بنت سیف الثاني هیله ښودلې چې د سولې لاسیلیک شوې هوکړه به په افغانستان کې د حکومت، طالبانوو او نورو مطرح لوروی ترمنځ د مذاکراتو د پیل سبب وګرځي.

 دا په داسې حال کې ده چې څه موده وړاندې د افغانو ښځو شبکې د قطر د امیر مېرمنې ته په یو لیک کې ویلي وو چې هېواد دې یې په افغان سوله کې مسوولانه رول ولوبوي او په سوله کې د ښځو رول ته دې لار برابره کړي.

Leave a Reply

Your email address will not be published. Required fields are marked *